ســاعدوني في غرفة ريـــان

[أم ريـــان]

السلام عليكم ورحمة الله وبركاته

اخواني واخواتي اعضاء ومشرفي هذا المنتدى الرائع ..

ياليت تساعدوني في غرفة ولدي ريوني .. عمره سنتين وكم شهر

خلصنا من الجبس وجاء دور البوية
السقف فيه سحابة متوسطة الحجم .. ونجوم في الأطراف



استفساري الأول :
وش اسوي لون السقف وهل اسوي رسم وكانه سمــا .. طيب وش راح يكون لون السحابة والنجوم .. لأنه في الغالب تكون السحب بيضاء ياليت الرسامين يساعدوني..

واذا احد عنده فكره ولو بسيطة للغرفه فله جزيل الشكر ..


استفساري الثاني ..
انا اتوقع راح اسوي لون البوية أصفر أو الليموني .. وش رايكم .. ابغى لون يناسب كل شيء


وهذي صور للسقف







ياليت تساعدوني ..

ولكـــــم خالص تحياتي

أم ريـــان

[أم دحومي]

مرحبا اختي ام ريان,
في بداية موضوعك قلت الأخت أكيد داخله بيتي وشايفه غرفة عيالي بس يوم شفت الصورة هونت فيه اختلاف بسيط.. بس بتوزيع النجوم وطريقة حفر الغيمه أنا بارزه بس والنجوم محفورة<<تلاحظين التفصيل قولي اخلصي كان عندك سالفه هههه..
الموهيييم..
برأيي تصبغين الغيمه بلون سماوي مع ابيض زي السماء يعني كأنها غيوم متداخله والباقي ابيض ساده والنجوم ازرق غامق شوي لأني اتوقع لو سويتي الساده كأنها سماء يمكن ماتعطي اتساع للغرفه ويكتمها ويصغرها..
أنا كذا سويت بس الغيمه تونا خلينا لمرحلة جايه بعدين لحد ماتتحسن المادة ونجيب رسام يضبطها لأن الدهّان قال مو قادر يسويها..
وبالنسبه لبوية الجدران الليموني حلو بس لو تخلين جدار واحد اللي بيكون السرير عليه أو جدار مافيه أثاث زحمه تخلينه ملون بشكل فني وذوق غير..
مثلا:
مربعات صغيره ملونه وبينها خط ساده فاتح.. او تدرجات لون واحد..
او لون ساده مشمشي او اخضر وبرواز بعيد شوي عن الأطراف على كامل الجدار بلون ثاني..أنا سويت جدار ولدي سماوي وبرواز تفاحي..وجدار بنتي وردي وبرواز مشمشي..والجدران الباقيه المتقابله ليموني..
او ساده وتسوين فيه رسم او استكرات اطفال ..ولاتنسين تكون البويه بربع لمعه ليسهل تنظيفها..
وبالتوفيق ياختي وربي يسهل امرنا وامركم ويخلي لك ريان..

[أم ريـــان]

هــلا وغـــلا أم دحومي نور موضوعي بوجودك ..

مشكووووووووورة وماقصرت .. الله يعطيك العـــافيه

افكـــارك حلوه ..


طيب .. ماقلتي لي رايك في السقف ؟؟ هل يبغا له اي اضافه

وياليت احد يعطيني عناوين رسامين مبدعين في الرياض .. لأني الظاهر راح اسوي رسم ..


ويييييييييييييييييينكم يارسامين .. ساعدووونـــي


ايوه صح .. ابغى محلات غرف اطفال حلوة وفيها فخااااااامه ..

ادري ثقلت عليكم ..

بس هذا ريوني وابغى له احلى غرفه ..

ومشكــــورين ..

[نورااا]

الله يسلمك انا اشوف نصب عليهم مهندس الديكور حط لهم الاساس كله ازرق والغيوم بيضا والنجوم ذهبي وباقي الغرفة اطرافها ذهبي + خشبي والاضاءة على رودي وذهبي احسها متعبه جدا للنظر

بالنهايه الشغله ترجع لذوقك لانها عاجبه اخوي جدا بس انا احب الشغل الراقي ما حب هالزحمة ..

لو انا ممكن اضيف رسام لعمل السماء وليس بصباغ ان رغبتي بها ولو اني لا احبذها فقد اصبحت موضه قديمة ..

واتمنى لك التوفيق

[أم ريـــان]

هـلا والله نورااا

مشكوووورة على رايك الحلووووو ..

حتى أنا والله مااحب الزحمه .. بس الظاهر اني بسوي رسم

.. لأن البويه ماتطلع حلوووه مررره ..


تعرفي غرف الأطفال تحليها الألوان والرسومات والدلع ..


ولو اني مو عااارفه كيف راح تسير بالرسم .. واخاف يسوي شيء مايعجبني زي صاحب الجبس .. سوا السحاابه بها الشكل وانا كان في بالي شيء ثاني ..


عشان كذا أبغى رسام شغله زين .. وعنده افكــار حلوه

لأني ابغى في الأخير تطلع بشكل حلووووووو ...

[أم دحومي]

هلا ام ريون .. ربي ينور دروبك للجنه اختي..تسلمين يالذوق..

اذا المجبس ماطلع من البيت خليه يعدل للي فبالك احنا طلعنا رووووحه بالتعديل لحد ماطلع الشكل اللي بغيناه..
بس سؤالك اي اضافة فالسقف!!يعني فيه امل تسوون شي بالجبس مثلا !! مافهمت قصدك..
بس لاتجازفين بالرسم ممكن مايطلع اللي في بالك وتخسرون قيمة الرسام لأنه شغل تعب مو بويه يدهن وتغيرين بكيفك..
يعني يفضل تشوفون شغله قبل اذا مضبوط او لا..ولو عجبكم لاتعطونه كامل الرسومات ينفذها شوفوا شغله على منطقة صغيرة ولو عجبكم كملوا لأنه ينخاف من نصب العماله المنتشر يورونا شغل مو شغلهم ويقولون احنا منفذينه....
بس من ناحيتي لاتكثرين رسم..فيه استكرات في هوم سنتر حلوة وكأنها رسم وتشيلينها متى مامليتي منها وحلوة..وعن طريق سوق النت حريم يبيعون أشكاااال حلوة للأطفال وفيه منها بدون ارواح وروعه..
ربي يعينكم ويوفقكم

[أم دحومي]

ونسيت اقولك فيه بشارع خالد بن الوليد محل الصفيان<<اتوقع كذا اسمه عنده ورق جدران للأطفال خياااااااااااااااااااااااااااااااااااااااااااااااا ااااااااااااااااااااااااااااال خصوصا الشرايط اللي تجي معها بعد حلوة ورايقه..
بتتعبين وتحتارين من حلاة كل شكل..لو حبيتي تسوين جدار واحد ورق والباقي دهان..وربي يسهل امركم

[أم ريـــان]

هلا والله أم دحومي .. والله ماقصرتي ..

الله يسهل أمرك وينور دربك ويوفقك ..

بخصوص صاحب الجبس ..تخيلي كم مرره يكسر الجبس ..وطفشناه من كثر التعديلات .. وفي الأخير قال ابو ريان خلاص مانبغى ندخل معاه في مشاكل .. وأخاف يحقد علينا وبعدين مايضبطه مررره .. أو مايشد السقف مررره بالمسااامير والأسلاك ..

الله يعين ان شــاء الله ..

والله اني ابحث واحوس على غرفة ولدي أكثر من غرفتي .. مسوي زحمه فدييييييييييته ..

[أم ريـــان]

ويييييييييييينكم ؟؟

ووييييييييييين الردووود ؟؟

ساعدوني .. أبغى رسام في الرياض شغله حلوووووووو عشان السقف

وأبغى محلات غرف أطفال ..


الله يعطيكم العــــااااااااااااااااااااااااااافيه ..