خريطة ,البيت ,واحتاج ,مهندس ,ديكور ,داخلي

[نورااا]

السلام عليكم ورحمة الله وبركاته ..
حبايبي خذت من المركز اللي صمم خريطة البيت نسخه قلت له بعطيها مهندس الديكور بس بصراااحه خذا البنيااان الكثير من الفلوس فلما جينا عند مهندس الديكور قالي بيتك بالراحه عشان اصممه لكم مع الشغل ياخذ اقل شي 300 الف وفيها وبصرااحه ما اقدر على هالمبلغ ففكرت بالبحث في النت واستشارتكم وخصوصا اني شاطره بأختيار الجودة من الاثاث والادوات واحب استايل الفنادق في الحمامات وغرف النوم اما الصالات فاحبها استايل مغربي او شغل الكرستالي يعني عارفة بالضبط الشكل اللي ابيه واعرف اني ابي احط بهالمكان جلسه عائليه وهينا للضيوف وهينا ديكوري فقط بس بصراحه كل هذا من خلال فكرتي عن البيت بس حزت الحزة مثل الحين ما اعرف شاسوي احس نفسي ضايعه
ف 1- ابي احد ارسله الخريطة واذا امكن يعطيني افكار او صور للافضل
2- وكمان للكهرباء والاضاءة وين المفروض تكون وافضل انواعها لان هذي ما عندي اي خلفيه لها بس احب اللي خافته بحيث اماكن تكون عالية الوضوح واماكن رومانتيك ابي ابدع بالمغاسل بالعربي اتمنى يكون بيتي بعد طول انتظار كأنه قصر مين يحقق لي حلمي ..
على فكره حاطه ميزانيه للتشطيبات + الاثاث بحدود 500 الف تكفي تضنون ؟

على فكره انا من قطر والاسعار نااااااااااااااااااار عندنا

[نورااا]

اجبرو بخاطري الله يجبر بخواطركم..ولا رد والله مو العشم انا بمنتدى ثاني مهندسه دقت الصدر وفرحت واقول لزوجي ما شالله علي شفت اشلون الواحد يقدر يفيد ويستفيد من الانترنت واهو يقولولي ما يخدم بخيل الهم طلب برنامج الاوتوكاد لخريطة منزلي بعد ما جبتها وارسلتها لها وليومكم لا ردت ولا اعتذرت ولا شي يمكن تمر بظروف بس انا بعد ما اقدر انتظرها اكثر خصوصا اني داقه الصدر عند زوجي تكفون لا تفشلوني ما غير الله وانتو ما تتخيلون اشقد حاولت ادرس برنامج ال 3d max بس عشان انا اللي اصمم بيتي بس ما كل ما يتمنى المرء يدركه عموما انا تخصص حاسب كنت اتمنى اني تخصص الديكور وتوابعه لما من حس فني وهو ما خلقه الله فينا *** حواء الحمد لله على ما اعطى وعلى ما اخذ..

انتظر تفاعلكم معي وبصرااااحه العشم فيكم اخواني وخواتي كبير...

[بلاطة]

نورااتمنى افيدك00
بس
انا نفس المشكلة ونفس التفكير

[مهندس لبناني]

جميل ان نطلب المساعدة ولاكن لا نطلب المستحيل

اختي الكريمة ما تطلبي هوا عمل متكامل لتصميم فيلا ولا اعتقد قد تجدين مهندس ديكور يساعدك في جميع هذة الطلبات بإمكان المساعدة في زاوية معينة وكذالك في خدمة بسيطة وليس تصميم منزل كامل مع عمل 3d

ان شاء الله تجدي ما تطلبية

تقبلي تحياتي

[النائف]

حياكي الله اختي نورااااا

انشاء الله نقدر نساعدك والوصول للفكرة التي ترغبين بها

ارجو ارسال المخططات على الايميل التالي
mailalharby***********

تقبلي تحياتي