[ماجد المحيميد]

المشاركة الأصلية كتبت بواسطة استرخاء

اختي سكون
حبيت اردفي موضوعك لان الكلمه امانه والرد ضروري لمن عنده تجربه
والمفروض الانسان ينصح للناس بالي كان وده احد يرشدهويدله عليه
من تجربتي المتواضعه

ابعدي ثم ابعدي ثم ابعدي عن كراسي سلفر الصينيه
فعلا تراها مطب كبير
مدحوها لنا المدى مدح لين خلاها احسن شي وقلنا محل كبير ويخافون على سمعتهم
وقال لنا بعنا من هالموديل10 الاف كرسي
ووو-وبعدين تاكدت انهم بايعينها على شقق مفروشه وفلل للبيع وفي هالحاله مايهيم الا الرخيص


لين خذناها
والي اغرانا ان سعر الكرسي الواحد ب450 ريال
مقارنه بالماركات الايطاليه ب2000 ريال للكرسي
يعني اربع كراسي بسعر كرسي حمام ايطالي تقريبا
وقلنا راس ماله كرسي اذا ماصلح نغيره

بس للامانه
ابعدي عن الصيني قد ماتقدرين
في كل شي شطافات خلاطات
ولو قالوا لك نخب اول
الي يقطر 24 ولوكنتي
مسكرته
والحمام صاير مسبح حسبي الله عليهم
ليتهم علمونا بعيوبها قبل لو انهم قالوا لنا هذا رخيص وفيه هالعيوب وهذا غالي والله اريح


معليش اختي والله بنبهك لها النقطه
السيفون الي يضخ مائه بشكل الدوران اعزكم الله
مره سيء
سواء من سلفر او غيره

ومساله انك تقولين بغير بعدين تراه صعب
جدا لان البيت محتاج اشياء ثانيه مهمه اكثر
وبتقولين على الاقل هذي راكبه
اشوف الي ما ركب
وحليني لين تلقين سباك يجي علشان هالامور
يايجي على شي بيكسره والا فلا
ههههه تاكلهم يديهم على التكسير ياكافي هههه


هالحين لي 5 اشهر بفصل مطبخ رئيسي ومغاسل وووو
ما قدرت وماسويت شي غير التفرج على النت فقط هههه
ترى البنيان غثيث
والواحد يصل لمرحله يمممممل
ووده يريح
وان شاء الله انه الهدوء الذي يسبق العاصفه

بيض الله وجهك

و رحم الله والديك عن النار

كلام يكتب بماء من ذهب

أبتعد ثم أبتعد عن الرخيص فمصيره التغيير لا محالة

و هذا لا يعني أن كل شيء غالي فهو ممتاز

اشتريت للبيت شطافات أيطالية الواحد بسعر 295 ريال وما طولت أقل من سنة و تم التغيير

لكن اقتناء الماركات بإذن الله تعالى يقلل من إمكانية العطل و المشاكل

جزاك الله ألف ألف خير على ردك الوافي والشافي