[وائل سيف النصر]

اخى الحبيب فارس
بارك الله فيك
ولا انا نجار ولا جايب معاوماتى من النجارين ياسيدى
انا جايب معلوماتى من التجربة انا مهندس ديكور
يمكن اكون عجوز شوية بقالى 18 سنة فى المهنة
عملت اكتر من ستين شقة فى احياء المنيل ومصر الجديدة والمهندسين بالباركية واكبر ممثلين مصر عملتلهم شققهم واحنا هنا اخى الحبيب مش علشان نضحك على بعض او نضحك على الناس احنا نقاشنا ده الناس بتستفاد منه اسال جدك الكبير فى مجال الباركية هيقولك انى كل ما دكرتة صواب كمان انا ما قولتش نشارة خشب انا قولت البرادة الناعمة اللى بتخرج من ماكينة سنفرة الباركية
اخى الحبيب سلمك الله الغراء الابيض مثل الاوكى مثلا بيكون عبارة عن مادة تشبة البلاستيك مغلقة المسام
فلاتقبل التشرب بالالوان بسهولة لذلك انت بتضطر انك تجيب السبيداج ومعاه الاصفر الاوكسيد والبنى المحروق_ الطينة_ علشان تحاول تجيب لون الخشب
الطريقة دى بدائية جدا فى الدهان حتى الاصباغ اتقدمت جدا بقى فى هناك الصبغة الماليزى والاصباغ الاسبانى والايطالى بكل درجاتها محدش بيستخدم الان الطينة والاصفرالا فى دهانات الجير حتى لو هتتعامل مع الخشب فى حصى الجوز او الاليلنا اللى بيستخدمها الاسترجى فى الدهانات هتكون افضل كتير اما اخى الفلوت فدهان شعبى لا يصح لمن يعمل باركية ويكلفة انه يدهنه فلوت لانه هيبوظة
الهاربريت مادة غالقة للمسام ولكنها صنعت خصيصا للارضيات كونها من اصل ايبوكسى والايبوكسى اخى الحبيب مادة صلبة جدا منها الملون ومنها الشفاف وغير قابلة للاحتكاك والبرى اما السيللر فاصلة لدهان الموبيليا وليس الارضيات لانه من اصل سيليلوزى
واى سؤال تحت امرك والاختلاف فى الراى لا يفسد للود قضية ولكن ياريت يكون اسلوبنا افضل
علشان نقدر نفيد الناس
بارك الله لك فى صنعتك وجزاك الله خيرا على احتوائك لكلامى وسعة صدرك
وائل سيف النصر