[مستشار قانوني]

يسعد مساكم ..
استشارة جديدة << محد قال لكم تفعلون عضويتي :p


الحقيقة ولما لمسته بهالصرح ، تشجعت ان اطرح اي استفسار قبل ان اتمنى اني طرحته ..
ولذلك اتحملوني ، وعلى رأسهم الاخت الفاضلة دوسرية اللي ماقصرت بهالموضوع ابد ،

لدي دورة المياة ( اعزكم الله ) الخاصة بغرفة النوم مساحتها 3.40 في 2.60
تم التأسيس طبعاً لمكان الباب والمغسلة والكرسي - اكرمكم الله - والزاوتين المواجهه للباب
تم تأسيس مكان الجاكوزي وبجواره المروش ،
واقصد بالتأسيس مواصير الصرف الخاصة بها من قبل السباك ،
وتم العزل
الآن الخطوةاللي بسويها هو ( القيشاني ) وتم اختياره من الثريا عندهم موديل ( تايقر اسود مع ذهبي راائع)
المهم ،
بحكم اني بالبيت اللي انا فيه حالياً جربت المروش ذو قاعدة بلاستيك مدري وش اسمه ،
من سلبياته انه دائماً يصير انسداد فيه وغير كذا شكله مع الايام يصير سيء ،
هل تنصحوني بأن اسوي مروش بالبلوك ؟ مممم انا شفت بهالمنتدى صورة قريبة من كذا مدري وين
يبنون فيها بنفس مساحة المروش بس بالبلوك ويتم عمل السيراميك القيشاني عليه ويطلع شكله حلو
واذا الواحد حاب بعدين يقفله بقزاز او غيره يسويه .. هل هو افضل من المروش البلاستيك ؟

واذا رغبت اسوي مكان ككرسي جلوس بزاوية الجدار داخل المروش هل يتم عمله ايضاً بالبلوك وما الشكل المفضل والمساحة ؟
علماً ان هذي هي صورة الحمام - اكرمكم الله - :

وتوجد لدي مساحة تحت الشباك يسار الكرسي فاضية ، واللي كاتب فيها انا علامات استفهام بالصورة ( ؟؟؟؟؟ ) << اكثر من كذا شرح ما نقدر خخخخ
هل تؤيدون عمل اي شيء فيها ام تترك هكذا ؟
انا ببالي اسوي جدار بجوار المروش ارتفاعه متر ونصف مثلاً وعرضه متر ويجي بكيرف ( لفة بسيطة ) بمحاذاة المروش
هالجدار اسويه من الداخل ( جهة المروش ) تجاويف جدارية للمروش ، ومنها يكون ساتر بسيط للمروش ، واذا رغبنا نكمل عليه بالقزاز حسب ماهو متبع ..
وطبعاً رح يتبلط بنفس بلاط وشكل الديكور بباقي الحمام ،
هل تؤيديوني في ذلك ؟ ام انه رح يضيق الحمام ؟

مع الشكر الجزيل سلفاً ..