السلام عليكم ..
الله يجزاكي بكل خير على مساعدتكي للناس يابنت الاجاويد ..
ودي انك تساعديني الله يعافيك ..والله يعينك معاي ..
عندي شقتي صغيرة وانا الحين ابغى اشطبها .. مكونة من مجلس نساء ..وغرفة تلفزيون مفتوحة عالصالة..وجنب الصالة مطبخ وفاتحة من المطبخ شباكين أقواس عالصالة برضو ..وغرفة نوم رئيسية وغرفة نوم اولادي .. ((تقريبا نظام مفتوح ..ماعدا غرف النوم معزولة شوي ))
......
شبابيك البيت عادية ماعدا ..المجلس والصالة وغرفة النوم الرئيسية على شكل أقواس عريضة وطويلة الى قبل الارضية بشوي..يعني يبقى زي 30 سم عن الارضية ..
...........
كل غرفة في البيت له شكل اسقف جبسية غير حتى الاسياب لها شكل ثاني..,,<<<< معاي عقدة جبس ! هع
كلها اشكالها كلاسيك وفيها خشب ماعدا ..((غرفة المجلس والتلفزيون وغرفة النوم..مودرن من غير زخرفة)) ((وغرفة اولادي..اشكال ورود وقمر ونجوم))..
......
سؤالي1 : ينفع اخلي كل منطقة في البيت لها ألوان البوية الخاصة فيها ولا لأ ؟؟
(( بوية الاسياب والصالة وحدة ..الاختلاف حيكون في باقي الغرف .. ))
وايش افضل شي في البوية فخم وانيق .؟؟
.......
2: اتفقنا انا وابو الشباب البيت كله باركيه بس كل غرفة ولونها.. ((طبعا الالوان الفاتحة البيج واللي لونها بني محمر )) .
لــكــــــــــــــــن الاسياب نسويها سيراميك مع باركيه اللي تجي زي شكل المتقاطعة ..ان شاء الله فهمتي عليه !
شوووو رأيك ؟؟
.......
3: شو رايك بالعتبات في البيت ..أنا ناوية اخلي الصالة نازلة شوي عن مستوى المطبخ وغرفة التلفزيون .. وغرفة النوم مرتفعة .. وكمان المجلس مرتفع .. ((ما أحب البيت اللي كله مستوي ))؟ ايش رأيك ؟؟
.......
4: انا ماعندي مدخل ..اللي يدخل شقتي حيشوف السيب امامه على طول اللي يودي للصالة وغيرها ..وكمان عن يمينه سيب للي بيروح المجلس..
كيف اخلي شكل السيب ابغاه فخم مرة؟؟ ..
ايوة نسيت اقولك انه انا سويت مدخل صغير 80*90 سم للعبايات جنب باب الشقة على اليمين ..وماني عارفة ايش احط فيه ..فكرت اخليه مرايات من فوق لتحت ..بس محتارة ؟؟!
...........
ادري ثقلت عليكي الله يعينك ..بس لو ماتقدري بأعذرك حبيبتي ..
ومشكووووووووووووووورة عزيزتي مقدما ...
تحياتي
