هلا عزيزتي زخات مطر شخبارج ؟
اليوم عرفت معلومة جديدة من الصباغ، قال ان الصبغ الرخامي أو غيره يسوي كرك (يعني يقشر أو يتشقق الجدار) في البيت الجديد ،وقال لابد من تشغيل التكييف أسبوع عشان الجدران تبرد وعقب يتم الصبغ !!!! يقول لأن الجدران حارة فتسوي كرك ، وسألت المهندس قال كلامه صحيح ، لهذا ينصح بصبغ البيوت الجديدة بدهانات رخيصة وعقب سنتين ممكن الواحد يصبغ بأنواع فخمة !!!
شاورت قالولي حرام تصبغين بعد تركيب التكييف وخاصة انها نوعية غالية وممكن تشفط ريحة الدهانات وعقب تصدر هواء ملوث!!!
سبحان الله أنا تأخرت ماتعاقدت وياهم واليوم كنت سايرة عشان أدفع لهم عشان يبدون من باجر يشتغلون ،لكن هالمعلومة خلتني اتراجع وأأجل لين أشاورج شو أصبغ عادي والا رخامي وليدي ، على فكرة الصور اللي حطيتيها لي قال انها عادي مطفي مب ليدي ،بس تناسق الألوان هو اللي برزها وخلاها فخمة.
بانتظار ردج .. ويزاج الله كل خير