|
الغرفة المسحورة
السلام عليكم ورحمة الله وبركاته لا تتروعون من العنوان فيه مبالغة شوي لكن هذا أقرب شي للواقع بيتنا مستأجر مو ملك وعندنا غرفة تم بناءها لاحقا يعني بعد ما أكتمل البيت بناها صاحب البيت برا (( ملحق)) لكن دخلها من ضمن البيت يعني دمجها مع البيت وضبط لها مدخل جديد لكن مافوقها شي سطحها على الشمس الغرفة هذي عجيبة غريبة بالصيف إذا مرينا من جنبها أو فتحنا بابها كأن أبواب جهنم فتحت (( الله يكفينا وأياكم والمسلمين)) جدرااااااااااانها ساخنة ما تقدر تلمسها الكنب أنعدم من الحرارة والإكسسوارات اللي فيها والشموع ذاااااااااااابت تماما حرررررراررررة مو طبيعية فرن وليست غرفة ركبنا فيها مكيف ما أخذنا منه إلا الصوت ولا كأن فيها مكيف شلناه وركبنا مكيف جديد ولاااااا فايدة نفس المكيف الأخير إذا شلناه وركبناه بغرفة ثانية صار يبرد وتمام التماااام وبالشتاء لهذي الغرفة نفس الحكاية صقييييييييييع ما ينفع فيها تدفئة و لو شبينا فيها نار ( منطقتنا أصلا شديدة البرودة شتاءاً) جبنا كهربائي نبيه يضبط للتكيف الإسبليت قال هذي الغرفة مالها حل حتى الإسبلت ماراح ينجح فيها؟؟ حنا تعوضنا ربي فيها الله يخلف علينا بس ممكن أحد يشرح لنا وضع هذي الغرفة وليش غير عن كل البيت؟؟؟ ورأيكم تنفع ساونا؟؟ |
هلا فيك
شر البليه مايضحك يمكن البيت مستخدمين له عزل وهالغرفة لا !!! ويمكن عشان مافوقها شي تصير معرضة للشمس |
اعتقد ان الغرفة في الجهة الغربية
او جنوبية غربية وأكيد ما فوقها عازل والطوب المستخدم كان طوب اسمنتي عادي الحل : عمل عازل حراري وأكيد مائي تلبيس الجدران بعازل حراري و قرأت سابقاً موضوع يخص عزل الجدران القائمة بالصوف الصخري للمهندس أدهم للأسف بحثت عنه ولم أجده يمكن استخدام سقف معلق من الجبس لزيادة العزل أو تحويلها لغرفة تراثية بتلبيس الجدران من الداخل بالطين نظرا لعزله الحجر أيضا عازل جيد يمكن استخدامه كذلك . الله يعينك |
سفريات, نقية الروح
جزاكم الله خير للأسف البيت أجار وصعب بل مستحيل نشتغل فيه اللي يقهر بالموضع إن الغرفة كبيرة مساحتها ومقابله لمدخل الفيلا الله يعينا.,,,,,,,, على كذا الحل اللي باقي إننا تجاهلها ولا كأنها موجودة خصوصا إننا راح نجلس في البيت ثلاث سنين جاية شكرا للجميع |
الحل اللي ذكرته الاخت نقية هو الصحيح
ومافيها شي حتى لو كان أجار بعضهم ما يمنعون المستاجر يعمل شي بالبيت واتفقوا معه على ان السعر بيخصم من الاجار انا عملت كذا في الشقة اللي كنت فيها صلحت اشياء وتم خصمها من الاجار باتفاق مع المالك |
| الساعة الآن 07:19 PM. |
Powered by vBulletin® Copyright ©2000 - 2024, Jelsoft Enterprises Ltd. By : 4as7ab.com