|
استشاره بخصوصو غرفة الغسيل
محتااااره بخصوص غرفة الغسيل و ابغى مشورتكم (خااااصة بنات حواء)
انا مصممه ان غرفة الغسيل تصير في الدور الثاني لاني ابغى اشرف على الغسيل و المشكله بما ان البيت صغير صارت غرفة الغسيل جنب الغرفه الرئيسيه و هذا الشي مزعجني... ساعه اقول عادي و ساعه اقول مكانها غلط..وش رايكم؟؟؟ ثانيا متردده اخليها بس غرفة غسيل و الكوي في السطح عند الخادمه واللا اجمعهم مع بعض؟ ثالثا مساحة غرفة الغسيل طلعت 3×2.750 ودي اصغرها بس ما ادري كم المساحه المناسبه اصلا لغرف الغسيل ..راح يكون فيها غساله اوتوماتيك و نشاف و رفوف لمواد التنظيف |
كـ رأي اشوف موقع غرفة الغسيل غلط لم تكون جنب الغرفه الرئيسيه ..
يعني تخيلي صوت الغساله والنشافه انواع الازعاج وقت الراحه .. إذا عندك امكانيه تغيرين الموقع غيريه .. خاصه انك تتكلمين عن بيت يعني راح تعمرين فيه مو شقه تعتبر مؤقته و إذا ماكان عندك خيار آخر كـ رأي اشوف تختارين غرفة الكوي هي اللي تكون جنبك عالاقل مافيه ازعاج ولو تخلين الغرفتين فوق افضل لك و إذا عالطابق الثالث عادي سوي رياضه .. اما بالنسبه للمساحه يعتمد على الاجهزه اللي راح تحطينها فيها .. انا عندي مساحة غرفة الغسيل تقريبا 2 في 2 للغساله و للنشافه و ارفف و دواليب و عملت لي كمان مغسله .. لانه بعض الملابس ماحب اغسلها بالغساله اغسلها عاليد .. بالبدايه كنت اظن انها راح تكون صغيره و تضايق .. بس بعدين شفتها اوكي .. ولا تنسي انتي مابتقعدين 24 ساعه بالغرفه الا إذا كنت ناويه تحطين غرفة الكوي بنفس الغرفه هذا كلام ثاني لازم تكون غرفه واسعه و شبه مقسومه مكان للكوي و مكان للغسيل عذرا عالاطاله و بالتوفيق |
هلا بك فعلاً غرفة الغسيل مع الكوي بالسطح المكان المناسب و مسألة رغبتك في الإشراف على الغسيل فالحماس جيد و لا أنصحك أبداً في وضعه بالدور الأول أو الأرضي لأنه ليست المسألة إزعاج فقط بل يتعدى ذلك إلى روائح الغسيل و خلافة و الشغالة رايحة جاية |
| الساعة الآن 10:30 PM. |
Powered by vBulletin® Copyright ©2000 - 2024, Jelsoft Enterprises Ltd. By : 4as7ab.com