|
اقتباس:
هلا ومرحبا بمشرفتنا الغاليه ام نوسى . المكان نور بوجووودكم .....والقلب انشرح بكلماتكم الرقيقه...ودعائكم الطيب . ربى يكرمكم .......... ويهنيكم...........ويسعد نوسى واهلها الطيبين. |
اقتباس:
أقول يالغاليه أم المزايين دام اننا سهرانين:s16:: تعالي عندي. الوِحده ذبحتني ماتسمعين الا الشخير حولي..:s23:: تسلميييين....يارب أخلص وارتاح..بس النقطه المهمه إتقان الشغل من المحل..يارب فهالساعه المباركة..الحمدلله ماباقي غير المجلس الصاله وغرف النوم صورها جاهزه تقريبا.. المحل الواااو هو (بيت الاحتراف) فالتخصصي..بس يبي له شوي توصيف عاد أنا والوصف أبعدي عني..لكن بأسأل زوجي لاحقا عن مكانه بالضبط وأخبرك.. أهل زوجي سووا مجلسهم عندهم مرة شغل مضبوط..خصوصا دولاب العبايات والستارة فخخخمه.. وأقمشتهم هي موديل منها وفيها مايحتاج أفكار عليها..<<بس لارحتي وماعجبك لاتقولين عفاف مدحت المحل وطلعت خلقونه ماعندها ذوق:s7::خخخخ ربي يسهل أمورنا أجمعين ولايجعل الدنيا أكبر همنا.. |
نسيت أقولك فيه محل مشابه لأقمشتهم ونفس الشي الفكرة فالقماش اسمه(ستارتي)طريق الملك فهد..نفس الشي السعر عالي..
|
هلا بالغاليه السهرانه معى ام دحومى مبروووك على النت السريع ..........ههههههههههه ترى هذه آخر دعوتى لك......تذكرين!!!! وشكررررا على المعلومات الحلوه ........... جعلك ربى ذخر لى يالغاليه. ذكرتى الستاره بالغاليه يعنى فى حدووود كم ؟؟؟؟ والستاره كم عرضها؟؟بالنسبه لسعرها؟؟ وعلى قولتك ....مادام الربع نايمين ليش ما نسولف شويه.!!! |
اقتباس:
بالنسبه لمحل ستارتي زمااان أول مابدينا ندور أثاث ونسيييت أسعارهم..بلا من كثر المحلات اللي درناها..بس على فكرة مو ستاير بس حتى الكنبات يسوونها.. بس بنظري أنا مثل محل بيت الاحتراف تعتبر أسعاره مقبوله على شغله وفخامته بس زوجي ربي يغنيه بالحلال رافض أسعارهم ويعتبرها خرافيه.. يعني زي ستارتهم يمكن أمتارها تقريبا15متر مع ديكور شغل راقي وهدب فخم ب6000ريال.. يعني كلفهم كامل مع الدولاب و المجلس تقريبا 3قطع كنب كبير +4كراسي+كرسيين نفر ونص<<حركة طالع حلو+طاولتين وسط فخمااااات شغل حفر 40ألف...:s23:: <<تراي أسولف ألحين :s23:: هههه..,وش عندتش بس من أخبار وعلوم وين وصلتوا فالبناء!! |
واااااو 40 الف!!!!!!! بس يمكن يستاهل مع الحفر وكل هذى القطع .........الله يهنيهم ويبارك لهم بيتهم. اما بيتى......... .صار لهم اكثر من شهرين يليصون وباقى القبه والسلم ولانى طلبت منهم تخطيط التلييص فى بعض الامكنه ...........(يعنى حركه) .........وانتهيت من الاتفاق مع كافكو للمطبخ الرئيسى والاسبوع الجاى بنتفق مع اسامكو للشبابيك ......وكذلك مع النظام الامنى ............يعنى لسه فى المعمعه ............البيت كبير والمشوار فى اوله الله يعينا واياكم :s14::............ونكمل ما بديناه . |
فعلا أنا أول ماسمعت السعر انصعقت حشى ماصارت..بس بما أنهم هو المجلس الوحيد اللي بيأثثونه ومشترك للرجال والجريم حطوا حيلهم فيه..
بس أشوف اللي زاد السعر الخشب..لأن الدولاب مافيه أي شي غير البرواز عريض مره ومحفور سعره4آلاف لحاله..يعني هذا يدل الغلاء على الخشب.. ويوم حسبناها أنا وزوجي وقدرنا قيمة كل قطعه طلع معقول بزياده بسيطه.. بس فرحت لما قالت لي اخته ممكن يبيعون القماش لك بدون ماأفصل عندهم..لأن أقمشتهم مميزه مو موجوده بالسوق مثل الجديعي والقثمي منتشره بكل محل..بس مدري عن سعر المتر ياخوفي أتحطم.. من منطلق آخر خخخخ ماشاءالله كويس قطعتوا مشوار فبيتك على كبر مساحته.. والأحلى انك فصلتي مطبخك عند كافكو بصراحه الحمدلله مطبخي مقتنعه فيه مره من شغلهم الراقي.. بس غريبه مو بدري اتفاقك معهم!!لأني شفت شغلهم ياخذ بس شهر |
عزيزتى ام دحومى تعرفين ان اخوى بيته على الكورنيش اكبر من بيتى اول ما بدا يحط اساسات البيت اتفق مع كافكو .......... وخلص!!!!! لازم اتفق معهم بدرى علشان خاارطه السباكه والكهرباء تكون جاهزه قبل التلييص لان عندى جزيره كبيره فى وسط المطبخ وفيها مغسله اظافيه وفيه بعد فيش يطلع وينزل على سطح الكاونتر وايضا التسليك للتلفزيون فى المطبخ. حتى كهرباء الشفاط لازم احدد مكانه بالظبط علشان ما يكون ظاهر |
وييييييييييييييييييييييييييييييييييييييييييييين رأيك في المخطط يا رسامتنا:s18::<<<<<<<<<<<<<معليش داخلة عرض كل يغني على ليلاه:s3:::s4::
وبمناسبة وجود أم دحومي ناخذ رايها |
والله صدقتي نسيت هالنقطه راحت عن بالي...جد هلوسة النوم بدت تطغى علي......
بس اذا ربي جعلنا من الأحياء وبغيتوا تركبون المطبخ اذا تحبين طبعا مايرفعون الدواليب العلويه زياده عن اللزوم.. لو تشوفيني أنا وخالتي وزوجة أخوه ماغير معاناة طالعين نازلين ياعلى كراسي أو سلالم*_* بالنسبة لي حاليا مفرغه العلويات تمصعت يديني.. <<وحده تتكلم على المدى البعيد بس لاتنسين هماه!!ححح عموما ربي يوفقك ياقلبي وفرصة سعيده سولفت في معك لكن لولا اني عندي ارتباط العصر كان كملتها معاك بس ربي يستر لاأنكب صديقتي.. ربي يسهل أمورك ويخلي لك أحبابك ويسهل بناؤكم على يسر وسهاله.. |
| الساعة الآن 06:03 PM. |
Powered by vBulletin® Copyright ©2000 - 2024, Jelsoft Enterprises Ltd. By : 4as7ab.com