لاتبخلوا علي في المشورة ( بناء مغاسل ) .. يوجد صور
 

السلام عليكم ورحمه الله وبركاته

اخواني الكرام //



من خلال خبرتكم ويمكن مرت عليكم ..


ابي اسوي زي هالمغاسل اللي بالصور بس مادري كيف الطريقة بالضبط؟.. هل القواعد اللي مبنية عليها المغسلة عبارة عن بناء اسمنت أو جبس ؟ وعقبها نحط بلاط السيراميك الخاص زي الي بالصور


http://www.almuhands.org/forum/store...295428_687.jpg

http://www.almuhands.org/forum/store...295430_730.jpg

http://www.almuhands.org/forum/store...295430_614.jpg


أنا شفت مثل هالتصاميم بمحلات كثيرة زي المسلة ونجم اباحسين لكنها غالية جدا ولا عندهم الا الوان محددة ولا فيه خيارات والتصميم محدد جدا بطرق معينة



وانا اشوف "مبدئياً " وانتظر آرائكم انها ممكن تتنفذ بأقل التكاليف بس ابي افهم طريقة القاعدة اللي تشيل المغاسل

هل اجيب عامل بناء يبنيها لي ؟ بعدين البسها ببلاط أو موزاييك؟

ياليت اللي عنده معلومة أو نصيحة لا يبخل علي

واذا احد سبق وسوا مثلها يدلني على رقم عامل او معلم اتواصل معه



الله يوفقكم ويفتحها بوجيهكم ،،

أيوة ياأخي هذا النوع من المغاسل لها هيكل حديدي من تحتها وفوقة تتثبت .................
اكثر ماتلاقيها عند محلات الكونترات والورش الخاصة بصناعة المطابخ والمغاسل ...........وفية موضوع لمدينة الخير عن الهيكل اللي يتركب تحتها بأدور علية وارسلة لك..............

الله يعطيك العافيك اختي المبدعة ام حسام

وانا بحثت عن الموضوع اللي قلتيه وماحصلته للأسف .. ياليت والله تدليني عليه ولك مني كل الشكر ،،

مافيه احد يفيدنا

تفضل اخي الكريم

http://www.almuhands.org/forum/store...319199_284.jpg

أخي تفضل هذا موضوع سابق عن المغاسل .. وردود الشباب عليه:

http://www.almuhands.org/forum/showthread.php?t=120205

دعواتك لنا ..

بالمناسبة الصورة الأولى خياااااال (الأسود مع الذهبي) .. تقريبا عملت شي مشابه .. ومثل ماقلت .. ماهي صعبة ولا علم صواريخ .. بس هالمحلات الكبيرة تحاول تستغل الناس .. دور بالسوق وراح تلقى الألوان الحلوة اللي تقدر تربكها على بعض عشان تعطيك نفس التأثير !

اذكر من زمان كان فيه موضوع قديم عن طريقة بناء هذي النوعية من المغاسل خطوه بخطوه وكان مره ممتاز وبحثت عنه لكن للاسف مالقيته

اسئل العمال الموجودين في أي محل فخم عجبك عن احد الفنين المهره في هذا المجال
بيعطونك ارقام لعمال اشتغلو في المحل عندهم واتفق معاهم وبكذا تختار النوعية والالوان الي تعجبك واكيد بتوفر كثير

وحده من قريبلتي مسويه من هذي الاشكال وكلفتها مغسلتين لضيوف 24 الف !!! ولما حسبت التكلفة من ناحية المواد والموزاييك والرخام لقيت السعر جدا مبالغ فيه .

http://www.almuhands.org/forum/showt...t=83877&page=3

المعذرة طلع الموضوع لمهندسنا أدهم الله يذكرة بالخير ...........وإن شاء الله ينفعك...........

الله يعطيكم العافيية والله .. ماقصرتوا جميعاً

بس السؤال هل الافضل اني اختار البلاط او الموزاييك اللي راح يتركب على الكاونتر وعلى اساس مقاساته اسوي عرض الكاونتر؟

لأني اخشى ان قصقصة البلاط تشوه منظر الكاونتر